Кăштах кулăш
Студент доска умне пӗр-икӗ предложени çырнă питӗ пӗчӗк хут йăтса тухать. Преподаватель: – Ăçта сирӗн хуравăр? – Пуçра. – Ку вара мӗн? – ыйтать преподаватель студентăн аллинчи хут çине кăтартса. – Кунта – вырнаçманни.
* * *
Экзамен пырать. Ватă профессор студентсене:
– Сиртен кам çак дисциплинăна «5»-лӗх пӗлетӗп тесе шутлать?
Икӗ студент алă çӗклет.
– Парăр зачеткăрсене, – тет те хайхисене «5» лартса парать.
– Кам хăйне «4»-лăх пӗлет тесе шутлать?
Пӗр вунă студент алă йăтать. Профессор пурне те «4» лартать. «Виççӗлӗх пӗлекенсемпе» те çаплах истори пулса иртет.
– Ыттисем экзамена паян тытаймарăр апла. Тепӗр хут пама килӗр, – тет преподаватель.
– Тепӗр хут хăçан пама юрать? – ыйтать пӗр студент.
– Ну-у... Атьăр халех. Кам та кам хăйне çак дисциплинăна «5»-лӗх пӗлет тесе шутлать?..
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев