Кăштах кулăш
Чипер Марине ирхине çывăрса тăрать те чӳрече патне пырать, аялалла пăхать. Асфальт çине: «Улькка, качча тух мана!» – тесе çырса хунине курсан савăнсах каять. Хăй Улькка ятлă маррине темиçе минутран çеç аса илет.
Хам мӗнле ватăлса пыни упăшка сăмахӗсемпе.
Малтан: «Манăн пикеçӗм!»
Кайран: «Эс мӗн, амăшӗ...»
Унтан: «Ман карчăк пачах ăсран тайăлнă иккен...»
* * *
– Арăмупа иксӗр хушшăрти хирӗçӳ мӗнпе вӗçленчӗ? – ыйтать Вӗçкӗн Ваççаран юлташӗ.
– Чӗркуçленсе пырса тăчӗ ман пата.
– Вара мӗн терӗ?
– «Кравать айӗнчен тух, эп лăплантăм!» – терӗ.
* * *
Пӗчӗк Наçтук телевизорпа опера юрăçи юрланине пăхать-пăхать те:
– Пире садикре çакăн пек кăшкăрса юрласан вăрçаççӗ, – тесе хурать.
* * *
Хунямăшӗ кинӗ патне килнӗ. Хваттерте тӗрӗслесе çӳрет. Телевизор çине пӳрнипе сăтăрать те унта тусан пуррине систерсе:
– Çакăнпа çыхăннă мӗнле каларăш пур-ха? – тесе ыйтать.
– Сысна таçта та пылчăк тупать, – аптраса тăмасть çамрăкки.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев