Кăштах кулăш

Суд ларăвӗ. Арăмӗпе упăшки уйрăлассипе çыхăннă ӗçе пăхса тухаççӗ. Судья мăшăра мирлештерес тесе тăрăшать. 

Упăшки:

– Çук, пурăнмастăп эпӗ урăх унпа! Ара, хамăрăн çывăрмалли пӳлӗмре качака усрать вӗт! Сывлама çук, фу!

– Тен, чӳречене уçни пулăшӗ? – сӗнет судья.

– Ара! Ман кăвакарчăнсем вӗçсе тухса кайччăр-и?!

*  *  *

Вӗçкӗн Ваççа васкавлă пулăшăва шăнкăравлать.
– Тухтăр, часрах килсемӗр пирӗн пата. Ман арăмăн аппендицит! – хумханса калаçать вăл.
– Ан пăшăрханăр, эп сирӗн арăмăра икӗ çул каялла операци турăм. Çыннăн икӗ хутчен аппендицит пулма пултараймасть, – хуравлать тухтăр.
– Паллах, тухтăр, сирӗнпе килӗшетӗп. Анчах та çыннăн урăх арăм пулма пултарать вӗт-ха...