Чăнкă Мирун арăмӗпе пӗрле хаклă кӗрӗксем сутакан лавккана кӗнӗ. Арăмӗ пӗр кӗрӗк хыççăн теприне тыта-тыта пăхать, куçӗсем çунаççӗ хăйӗн. Кусем патне хăвăрт кăна сутуçă пырса тăрать: – Ырă кун пултăр! Мӗн шыратăр? – ыйтать хайхискер. – Кӗве çитермелли! – лаплаттарса хурать Мирун.
Чăнкă Мирун ресторана апат çиме кӗнӗ.
– Официант! Чăхне курмастăп шӳрпере. Путнă-им вăл? – ыйтать хайхи.
– Мӗншӗн тӳрех путнă? Çăвăннă та кайнă...
* * *
– Килте ваннă япаласем нумай пирки «Пӗр сехетлӗх упăшка» службăпа усă курма шутларăм. Пӗлтерӳсенчен чи йӳнӗ хаклине суйларăм та шăнкăравларăм, – каласа парать Яка Кулине хăй пекех пӗччен пурăнакан тантăшне.
– Мӗнле вара, килсе юсаса пачӗ-и?
– Ăçта унта?! Пӗр арçын килчӗ те тӳрех диван çине ларчӗ, сăра ӗçе-ӗçе телевизорпа пӗр сехет хушши футбол пăхрӗ...
* * *
– Алло! Ресторан? Эсир ӗнер каçпа мана мӗн илсе килсе панă?
– Хăвăр мӗн заказ панă – çавна: пекинла кăвакал, ăшне тултарнă çăрттан тата Японирен тин кӳрсе килнӗ устрицăсем.
– Халь итлӗр мӗн пулса тухнине: устрицăсем çӗрле çăрттанпа кăвакала çисе янă та кухньăра питӗрӗнсе ларнă – никама та кӗртмеççӗ. Хамăн йытта та ниçта та тупаймастăп ӗнер каçранпа...
* * *
– Тухтăр, мана пурте улталасшăн пек туйăнать.
– Лăпланăр. Эсир сывах. Сиртен 15 пин тенкӗ.
* * *
Ахванеç ӗçе вырнаçма пынă.
– Эсир авланнă-и? – ыйтаççӗ унран.
– Çук.
– Апла-тăк эпир сире ӗçе илейместпӗр.
– Мӗншӗн?!
– Пире пăхăнма пӗлекен çынсем кирлӗ.
Нет комментариев