News by date 4 March 2020
-
Чăваш ялӗнче Çăварнине чăвашла уявлани илемлӗ
Ял пуçлăхӗ çавăн пекех районти ялсен спартакиадинче 1-мӗш вырăн йышăннă Сиреньел спортсменӗсене мухтаса тав турӗ
-
Беловка йӗлтӗрçисем мартăн 9-мӗшӗнче ăмăртаççӗ
«Беловка йӗлтӗр йӗрӗ» мартăн 9-мӗшӗнче иртет
-
Çырчалли чăвашӗсем «Дакар – 2020» призерӗпе тӗл пулчӗç
Концерт пуçланиччен Çырчалли чăвашӗсем чăваш халăх сувенирӗсемпе атрибучӗсен куравӗпе паллашрӗç. Çавăн пекех хамăрăн паллă ентешпе – «КАМАЗ-мастер» командăн штурманӗпе, «Дакар – 2020» халăхсен хушшинчи ралли призерӗпе Дмитрий Никитинпа курса калаçма, тӗрлӗ ыйтусем пама, пӗрле сăн ӳкерӗнме, спортсменăн çитӗнӗвӗсем çинчен калакан сăнӳкерчӗксемпе, тӗнче шайӗнчи ăмăртусенче илнӗ кубоксемпе паллашма пултарчӗç. Дмитрий Çырчаллинчи ЧНКЦ хастарӗсен, «Чӗкеç» ансамбльте юрлакан Иринăпа Николай Никитинсен ывăлӗ. Кун пек пӗлтерӗшлӗ мероприятисенче ашшӗпе амăшне яланах тӗрев пама тăрăшать вăл.
-
ЭЛЕКТРОНЛĂ ĂС-ХАКĂЛ ÇӖР ЧĂМĂРӖПЕ УТАТЬ
Чăваш Çӗршывӗ çийӗн кăра çилсем вӗрнӗ чухне, пуçлăхне çӗршыв ертӳçи ӗçрен кăларса янă вăхăтра, лайăх хыпар тупма хӗнтерех пулнă хушăра – эпир «Яндекса» чăваш чӗлхине кӗртни çинчен пӗлетпӗр. Апла пӗтмест иккен! Тӗлӗнмелли тата савăналли сăлтав нумай. Пултартăмăр, апла-тăк, пурăнатпăр-ха! Çакнашкал çӗкленӳллӗ кăмăл-туйăмпа эпир нарăсăн 27-мӗшӗнче Шупашкара «Чăвашла Яндекса» хăтлама çул тытрăмăр.