News by date 11 September 2021
-
Кайăк чӗлхине пӗлет тейӗн
ТР ЧНКА çумӗнчи Чăваш çыравçисен канашӗн пайташӗн, Лайăш районӗнчи Аслă Кабан ялӗнче пурăнакан Альберт Миронович Кольцовăн «Птицы в наших краях» кӗнеки тухни пӗрре те кӗтменлӗх мар, мӗншӗн тесен вӗçен кайăк тӗнчине пӗр çул кăна тӗпчемест. Ку енӗпе теоретик та, пуян опытлă практик та вăл. Тӗслӗхрен, индоуткăсене мӗнле ӗрчетмелли çинчен кăна темиçе томлă кӗнеке кăларма пултарать. Çак килти кайăкпа туслашнăранпа 20 çул çитнӗ иккен. Вӗсем çинчен калама тытăнсан Альберт Мироновичăн сăнӗ савăнăçпа çиçсе çуталнине курсанччӗ сирӗн. Калăн, вӗçен кайăк чӗлхине чăнах та пӗлет. Вӗсене мӗн кирлине, халӗсем еплереххине пӗрре пăхсах ăнланать. Нумай пулмасть ун патӗнче хăнара пулсан, кăна хам куçпа курса ӗнентӗм.
-
Асаттесем пӗлнӗ-тӗк – пирӗн те пӗлмелле
Чӗкеçсем пӗлеççӗ, ăçта йăва çавăрма, ăçта чӗпӗ ӳстерме. Вӗсене тăнăç, лăпкă вырăн кирлӗ. Сапăр, ырă кайăк вырнаçнă çуртра та телей, ăраскал пулмалла.
-
Чăвашсем! Çыравра хăвăр хăш халăх çынни пулнине кăтартма ан манăр!
Çыравăн тӗп тапхăрӗ октябрӗн 15-мӗшӗнчен пуçласа ноябрӗн 14-мӗшӗччен (çитме йывăр вырăнсенче декабрӗн 20-мӗшӗчченех) иртет. Октябрӗн 15-мӗшӗнчен пуçласа ноябрӗн 8-мӗшӗччен граждансем Патшалăх услугисен порталӗнче электронлă çырав хутне хăйсем тӗллӗн тултарма пултараççӗ. Кăçалхи çыравăн çӗнӗлӗхӗ ку. Пӗтӗм Раççей халăх çыравӗн пирвайхи пӗтӗмлетӗвӗсем 2022 çулхи апрель уйăхӗнче, пӗтӗмӗшле халăх шучӗ вара 2021 çул вӗçӗнче паллă пулаççӗ.
-
Хусанти кинофестивале Раççейӗн паллă актерӗсем Александр Носикпа Татьяна Абрамова хутшăнчӗç
Кино кăтартăвӗсем «Родина» тата «Мир» кинотеатрсенче пулчӗç. Те пандемие пула куракансен шучӗ иртнӗ çулхисемпе танлаштарсан самай сахалрахчӗ. Конкурс программине тăватă номинаци кӗнӗ: тулли метражлă илемлӗ кино, тулли метражлă документлă кино, кӗске метражлă илемлӗ тата документлă кинолентăсем. Уйрăм номинаципе наци киновӗсене хакларӗç. Тӗрӗссипе ăна Тутарстан режиссерӗсем валли ятарласа уçнă.