МИКУЛ ИШИМБАЙ: «Хăв сăмах панинчен нихçан та ан пăрăн»
Микул Ишимбайăн малтанхи сăввисем Авăркас район хаçатӗнче кун çути курнă. М.Ишимбай куçаруçă та: Пушкăртстанра пурăнакан вырăс, тутар, пушкăрт çыравçисен чылай хайлавне чăвашла куçарнă. 2003 çултанпа – Раççей Писательсен союзӗн пайташӗ, Фатых Карим премийӗн лауреачӗ (2006). Хальхи вăхăтра – Пушкăртстанри «Шуратăл» литература пӗрлешӗвӗн правленийӗн председателӗ. Чăваш кӗнеке издательствинче унăн «Тăрачул» кăларăмӗ пичетленнӗ.
