News by date 17 October 2021

17 октября 2021
Турă çырнине Çурçӗр Кавказра тӗл пулнă

Чи малтан Тюмень пики куç хывнă чăваш каччи çине. Альберт Кольцов курортра та ирсерен чупма çӳренӗ. Çирӗп хул-çурăмлă чипер йӗкӗт питӗ килӗшнӗ куран çамрăк преподавателе – пӗррехинче сăмах хускатнă вăл каччăпа. Иккӗшӗ икӗ ушкăнра каннă, çавна кура пурӗ те виçӗ хут кăна тӗл пулайнă вӗсем. Анчах виçӗ тӗлпулу та пӗр-пӗрне чунтан юратнине ăнланма çителӗклӗ пулнă. Канса таврăнсан уйăх çурăран Альберт Кольцов Тюмене савнийӗ патне кайнă та тепӗр кунах çамрăксем хут уйăрттарнă.
17 октября 2021
Уяв ячӗпе сана, атте!

Çын шăпи ку е вăл йӗрпе каясси ялан тенӗ пекех унпа юнашар пурăнакан çынсен витӗмӗнчен килет. Ман ӗмӗрӗмре çакăн пек палăрмалла витӗм кӳрекен çынсенчен пӗри – атте, Аксу районӗнчи Беловкăра пурăнакан Геннадий Николаевич Селиванов. Атте кăçал 75 çул тултарчӗ. Унăн ӳсӗмӗнчи ытти нумай çыннăнни пекех пурнăçӗ çăмăлах пулман, вăрçă хыççăнхи выçăллă-тутăллă ачалăх, кунне-çӗрне пӗлмесӗр ӗçлесе ирттернӗ çамрăклăхпа вăйпитти чухнехи çулсем, малашне ырă пурнăç пуласса шанни, иртнӗ ӗмӗр вӗçӗнче çӗршыври пурнăç кӗтмен çӗртен пачах тепӗр майлă çаврăнса кайни…
17 октября 2021
Паян – Атте кунӗ!

Паян – атте кунӗ. Вăл çӗнӗ праçниксенчен пӗри. Кăçал Раççейре Атте кунӗ официаллă статус илчӗ: октябрӗн 4-мӗшӗнче Раççей Президенчӗ В.В.Путин çулсерен октябрӗн виççӗмӗш вырсарникунӗнче Атте кунне паллă тумалли пирки калакан Указ çине алă пусрӗ.