Тутарстанра паянхи кун пурӗ 275 пин инвалид пурăнать, вӗсенчен 16 пинӗшӗ – ачасем
Аслă çулти инвалидсен шучӗ çулран çул чакса пырать пулсан, ачасен хушшинче ӳсет. Сăлтавӗсем кунта тӗрлӗрен: çуралнă чух аманни, вăхăтран маларах çуралнă, виçе йывăрăшӗ килограмран та сахалрах пепкесене кювезсенче ӳстерсе çын туни, тата ытти те. Апла-и, капла-и – çуралнă-тăк пурин те, çав шутра сывлăх енчен çирӗпех маррин те, тулли пурнăçпа пурăнма ирӗк пур. Тутарстанра инвалидсен ыйтăвӗпе ведомствăсен хушшинчи канашне туса хунă. Ăна ТР Президенчӗ Р. Минниханов ертсе пырать, районсенче те канашсем пур. Декадăн мероприятийӗсен планӗпе ноябрӗн 30-мӗшӗнче «Татар-информра» иртнӗ пресс-конференцире паллаштарчӗç
