Мускав-Чулхула-Хусан е М-12 автотрассăна 2023 çул вӗçӗнче хута ярасшăн, ун чух тӗп хуламăра 6,5 сехетрех çитӗпӗр
Мускавран Хусана Чулхула урлă М-12 автоçула туса пӗтермен-ха, çапах ăна халалланă куравсем хатӗр те. Октябрӗн 12-мӗшӗнче «Хусан Кремлӗ» музей-заповедникра халăхсен хушшинчи «Дорога» ятарлă курав хӳттинче «Пирӗнпе хуласем çывăхрах» («С нами города становятся ближе») фотокурав уçăлать. Çула туса пӗтерессе çынсем те питӗ кӗтеççӗ, ун чух вӗт Мускав çулӗ палăрмаллах кӗскелӗ, çӗршывăмăрăн тӗп хулине 6,5 сехет хушшинче çитме пулӗ.
