Йывăç çурт асра юлать, ăрусене хумхантарать
Михаил Булгаковах хăйӗн кӗлленми романӗнче хваттер ыйтăвӗ этеме пăснă тесе çырнă. Унтанпа çӗр çула яхăн иртнӗ, çаплах патшалăхăн кун йӗркинче пурăнмалли çуртсем тăвасси малти вырăнта. Халӗ икӗ-виçӗ хутлисем мар, пуçа çӗклесен калпак ӳкмелле çӳллӗ çуртсем тӳпенелле кармашнине куратпăр. Хулана ватăлса кивелнӗ йывăç çуртсенчен тасатса вӗсен вырăнне мăнаçлăн ӳссе лараççӗ.
