50 çул хушшинче пилӗк директорпа ӗçленӗ «Сайдашра» тăрăшакан Алевтина Петрова
Хусанта «Сайдаш» Культура центрӗ пулнине тахçанах илтнӗччӗ. Кунсăр пуçне юлашки çулсенче кашни кун тенӗ пек «Октябрь хулашӗ» тата «Совет тӳремӗ» чарăнусем хушшинчи ыттисенчен уйрăмрах çурт çумӗпе автобуспа ирткелесе каятăп. Темиçе çул каялла çав çурта кӗрсе курма та май килчӗ: пӗлӗшсем «Сайдаш» Культура центрӗнче çулланнă çынсем валли ятарласа ирттерекен ташă балне çитсе курма сӗнчӗç. Кунта пирвайхи хут тӗл пулнăччӗ эпӗ çак мероприятин йӗркелӳçине.
