Иван Головин: «Каймаллах, унта ман атьсем»
Икӗ Паттăрлăх орденне, Суворов, Жуков тата икӗ хутчен «За боевое отличие» медальсене тивӗçнӗ гварди капитан, Ивановăри 98-мӗш гварди сывлăш-десант дивизийӗн радиоэлектронлă кӗрешӗвӗн службин начальникӗ Иван Владимирович Головин Хусанта çуралса ӳснӗ пулсан та Элкел районӗнчи хуракӳлсемшӗн хамăр çын. Мӗншӗн тесен çак ял мăнукӗ вăл, Юлия Александровнăпа Владимир Владимирович Головинсен пӗртен-пӗр ывăлӗ. Мӗн ачаран канмалли кунсене, каникулсене ялта ирттернӗрен пӗрле ӳснӗ кунти яш-кӗрӗмшӗн ӗмӗрлӗхех – ăшă йăл кулăллă, лăпкă Ваня. «Вăрçă та улăштараймарӗ ăна, мӗнле пулнă çаплах лăпкăччӗ...», – терӗ мăшăрӗ Лейсан пирӗнпе калаçнă чух ун пирки.
