Айтăр 14-15-мӗш ӗмӗрсене... икӗ кунлăха!

Çитес канмалли кунсенче, августăн 12-13-мӗшӗсенче, Пăлхар (Булгар) хулинче 14-15-мӗш ӗмӗрсенче пулса курма май пур. Кунта çулленхи «Аслă Пăлхар» фестиваль ирттереççӗ. Унăн статусӗ кăçал тата ӳсрӗ, вăл халăхсен хушшинчи шая çӗкленчӗ. Яланхи пекех, тӗп вырăнта вăтам ӗмӗрсенчи çапăçу. Çапла вара программăра: Ылтăн Урта, Русь тата Европа çар çыннисен тытăçăвӗ, ут турнирӗ, вăтам ӗмӗрсен ташши, тумтирне кăтартни тата нумай-нумай интересли. Ачасене те кичем пулмасть. Кăмăл пуррисем, ан юлăр! Ӳкӗнмелле пулмасть. Фестиваль ирхине 10 сехетре пуçланать. Тӳлевсӗр кӗртеççӗ.