News by date 9 August 2017
-
Айтăр 14-15-мӗш ӗмӗрсене... икӗ кунлăха!
Çитес канмалли кунсенче, августăн 12-13-мӗшӗсенче, Пăлхар (Булгар) хулинче 14-15-мӗш ӗмӗрсенче пулса курма май пур. Кунта çулленхи «Аслă Пăлхар» фестиваль ирттереççӗ. Унăн статусӗ кăçал тата ӳсрӗ, вăл халăхсен хушшинчи шая çӗкленчӗ. Яланхи пекех, тӗп вырăнта вăтам ӗмӗрсенчи çапăçу. Çапла вара программăра: Ылтăн Урта, Русь тата Европа çар çыннисен тытăçăвӗ, ут турнирӗ,...
-
Комбайн экипажне 100 пин тенкӗ преми кӗтет
Кăçалхи çанталăк условийӗсене шута илсе, ТР Президенчӗ Р.Минниханов тырçире чи лайăх ӗçлекен комбайн экипажӗсене 100 пиншер тенкӗ преми пама шантарать. Çӗнтерӳçӗсене комбайн маркине кура палăртаççӗ. Çавăнпа та районсенчи ял хуçалăх управленийӗсем эрнере икӗ хутчен комбайнсем мӗнле ӗçлени çинчен ТР Ял хуçалăхӗпе апат-çимӗç министерствине объективлă информаци памалла.
-
Тавах сана, анне!
« Нечкэбил-2017» анне тата çемье конкурсӗ çывхарнă май конкурс йӗркелӳçисем «Тавах сана, анне!» фотоконкурс пуçарнă. Çапла майпа çӗр çинчи чи хаклă çынна - аннене - тав тума май тунă вӗсем. Анчах та унта хутшăнас текенсем амăшӗсен кăна мар, ăшă сăмахсем çырса асламăшӗ-кукамăшӗсен, хунямăшӗсен сăнӳкерчӗкӗсене те ярса параççӗ. Ӗçсене йӗркелӳçӗсен сайтне...
-
Туй-тăк, туй пултăр тесен – Кремльте çырăнмалла!
Туй-тăк, туй пултăр тесен, ниçта та мар, Кремльтех çырăнмалла. Хусансен малашне çакăн пек майсем те пур. Пӗрлешсе çемье çавăрма шутланисене «Хусан Кремлӗ» музей-заповедник хапăлласах кӗтнине пӗлтерет музей пресс-служби. Вӗсене хальхи вăхăтра «Çемье историйӗ - республика историйӗ» курав иртекен «Манеж» курав залӗнче те, авалхи крепоçăн уçă площадкисенче те çырăнтараççӗ. Кремльте пӗрлешме...
-
«Дубравная» метро станцийӗ уçăлмасть-ха
Республика тата хула кунне (августăн 30-мӗшӗ) «Казметрострой» УАО хусансене çуллен пӗрер çӗнӗ станци хута ярса савăнтараканччӗ. Иккӗмӗш çул ӗнтӗ çакăн пек çӗнӗлӗх курăнмасть. «Дубравная» станцие те акă, пӗлтӗрех хула кунне уçасси пирки шавлатчӗç, шел те, пассажирсем кӗтсе илеймерӗç. Кăçалхи хула кунне те хусансене кун пек парне пулмасть-ха. «Казметрострой» УАО генеральнăй...