Авточупу паттăрсене асра тытма тата çамрăксене патриот пулма пулăшать
Çӗпрел районӗнче Афган вăрçин ветеранӗсем çулсерен ирттерекен авточупу ырă йăла пулса тăчӗ. Кăçал мероприятие совет çарӗсен юлашки чаçӗсене Афганистанран кăларнăранпа 36 çул çитнине халалларӗç, ăна Çӗпрел районӗнчи Çар ветеранӗсен канашӗн ертӳçи Виктор Петухов ертсе пынипе Афган вăрçине хутшăнакансем йӗркелерӗç. Авточупу февралӗн 15-мӗшӗнче Кивӗ Çӗпрелӗнчи Тăван çӗршывăн Аслă вăрçинче тата Афган вăрçи вăхăтӗнче пуç хунисене халалласа лартнă палăк умӗнче пуçланчӗ.
