News by tag - Патшалăх Канашӗнче

• 07 февраля 2024

  Фарид Мухаметшин тутарстансене ТР Патшалăх гербӗн кунӗпе саламларӗ

  Паян Тутарстан Республикин Патшалăх гербӗн кунӗ! Çак историлле кунпа тутарстансене ТР Патшалăх Канашӗн Председателӗ Фарид Мухаметшин саламларӗ. «Республика унăн геральдика паллине Раççей Федерацийӗн анлă çӗрӗсенче кăна мар, унăн тулашӗнче таçта инçетре пӗлнипе, хисепленипе чăннипе мăнаçланать. Тутарстансем тӗрлӗ наци, тӗрлӗ тӗн çыннисем, вӗсем хăйсен малашлăхне гражданла пӗрлӗх никӗсӗнче, нацисемпе конфессисен хушшинчи килӗшӗве, культурăсен çыхăнăвне, йăлари çемье хаклăхӗсене тӗпе хурса тата Тăван Çӗршыва чунтан юратса йӗркелеççӗ», – тенӗ Фарид Мухаметшин.

  
• 19 октября 2023

  Фарид Мухаметшин «Тутарстан Республикинче çамрăксен политики çинчен» закона йышăннăранпа 30 çул çитнипе саламланă

  Тутарстан Патшалăх Канашӗн Председателӗ Фарид Мухаметшин çамрăксен политики енӗпе закона йышăннăранпа 30 çул çитнине палăртса тутарстансене саламланă. Парламент пуçлăхӗн шучӗпе шăп çак закон республикăра çамрăксене тӗрев парас, пулăшас, çул уçас енӗпе нумай ӗç тума пулăшнă. Закон çамрăксен политики республикăшăн приоритетлисен шутӗнче пулнине палăртнă.

  
• 11 октября 2023

  Тутарстан Патшалăх Канашӗпе Алтай Республикин Патшалăх Пухăвӗ – Эл Курултайӗ ӗçлӗ килӗшӳ çирӗплетнӗ

  Паян, октябрӗн 11-мӗшӗнче Горно-Алтайск хулинче (Алтай Республики) ТР Патшалăх Канашӗпе АР Патшалăх Пухăвӗ – Эл Курултайӗ ӗçлӗ килӗшӳ çирӗплетрӗç. Сăмах май, ӗçлӗ хутшăнусем икӗ республикăн парламенчӗсем хушшинче тахçанах çирӗпленнӗ. Пӗрремӗш килӗшӗве 20 çул каялла 2044 çулхи июлӗн 7-мӗшӗнче çирӗплетнӗ пулнă.

  
• 24 октября 2021

  ТР Патшалăх Канашӗнче çитес çула бюджет йышăнас ӗç пырать. Коммунистсем ӗç укçине ӳстерме, пуянсене ытларах налог тӳлеттерме ыйтаççӗ

  Хăçан пирӗн çӗршывра вилсе выртасран çеç çăлса хăваракан минимума пурăнмалли минимум вырăнне йышăнма пăрахӗç-ши?Тутарстанăн тӗп коммунистне Раççей бюджечӗн 80 проценчӗ Мускавра çаврăнни тарăхтарать. Пурнăç пахалăхӗпе республика тӗнче виçипе виçсен 90-мӗш вырăнта тăни те. «Ку вара тӳреммӗнех халăхăн туянас пултарулăхӗнчен килет. Чухăнлăх Раççейӗн тӗп тăшманӗ тесе Владимир Путин хăй те каларӗ. 24 миллион ытла çын – чухăн шутланать. 45 миллион çын вара 15-25 пин тенкӗ ӗç укçипе пурăнать. Çав вăхăтра тăкаксем вара мӗн чухлӗ? ÇКХ тӳлевӗсем пенсин 1/3 пайне çисе яраççӗ. Эмел, апат-çимӗç мӗн тери хакланчӗç. Çав вăхăтрах инфляцие 4 процентпа палăртса ÇКХ услугисем, эмел, апат-çимӗç те инфляци чухлех ӳсессине палăртса хунă. Тӗрӗссипе, хаксен ӳсӗмӗ 40 процентран та иртсе кайнă. Анчах ӗç укçи ӳстересси çинчен сăмах та çук. Çавăнпа та йышăнакан бюджет коммунистсен шучӗпе çителӗксӗр, вăл чӗрӗ тытăнса юлмалли чухлӗ кăна.