News by tag - Сувар
-
Салам хакӗ ӳсет
Хаклă вулакансем! Июлӗн 1-мӗшӗнчен хаçатра пичетленекен салам хакӗ ӳсрӗ.
-
Ытла та мăнаçлă-çке Иван Казанков пуçарăвӗпе тата тăрăшнипе çӗкленекен Сувар!
Сиктӗрме-Хусанкай ялӗнчен тухса Уяв лапамне çул тытрăмăр. Малтан пӗвесем умӗн иртрӗмӗр, шыв варрине акăшсем валли пӗчӗкçеç çурт евӗр йăвасем вырнаçтарнă. Паяна кунта тăватă мăшăр акăш пурăнать. Пӗвесен шучӗ те виççе çитнӗ. Тӗп пӗве урлă кӗçех президент кӗперӗ пулмалла – никӗсӗ хатӗр. Вăрман пуçланнă тӗлте таçтан инçетрен авалхи Сувар хулашӗн крепоçӗ мăнаçлăн курăнса ларать. Ăшра пӗр пăлхантарса, пӗр хăпартлантарса яракан туйăмсем çуралаççӗ. Ытла та мăнаçлă-çке Иван Казанков пуçарăвӗпе тата тăрăшнипе çӗкленекен Сувар! Çак крепоçпе пӗрле чăваш ячӗ те ӳссе, тӗрекленсе пынăн туйăнать.
-
РЕДАКЦИ МАН АСРА:
Пӗр хӗвеллӗ кун университетра манран аслăрах курсра вӗренекен чăваш хӗрӗсемпе пӗрле редакцине ертсе кӗчӗ.Чистопольски урамне куçнă ун чух редакци, 5-мӗш çуртра икӗ пӳлӗм йышăнать, пӗринче редакторпа секретарь тата бухгалтер, тепринче 7-8 çын кӗрлесе лараççӗ. Хытă кӗрлекенни унта электронлă пичет машинки кăна пулнă-тăр та, пӳлӗме пырса кӗрсен çав шав асра.
