Савруковсемпе Абруковсем: айăпсăр шар курнă йăхран пилӗк профессор тухнă
Савруковсем репресси йывăрлăхӗсене тӳссе нумай хура-шур курнă пулсан та нихăçан та хăйсен чысне çухатман, çӗршыва кирлӗ пилӗк профессор, пӗр наукăсен кандидачӗ, хисепе тивӗçлӗ ӗçчен çынсем ӳстернӗ.
Репресси хăрушлăхӗ чӗрене çӗçӗ пек касса ыраттарать, ăна манма çук. Савруковсен виçӗ çемйине сăлтавсăр айăпласа асап кăтартнăран 1990 çулта Аксу райканашӗн анлă ларăвӗнче хамăрăн ырă ята тавăртăмăр.
