Зинаида Падиряковна – йӑла-йӗрке управçи
Зинаида Падиряковна Ильмукова 1936 çулхи сентябрӗн 18-мӗшӗнче Элмет районӗнчи Патраклӑ ялӗнче çуралнă. Çемйинче 5 ача пулнӑ. Зинаида пилӗк çулта чухне, 1941 çулта, ашшӗ вӑрçа тухса каять. Мӗн пӗчӗкренех вӑл амӑшӗпе пӗрле хире çум çумлама, чӗкӗнтӗр чавма çӳрет. Çын патӗнче нянька пулса та ӗçлет. Шкулта 4 класс пӗтернӗ. Çине тӑхӑнма тумтир пулманнипе малалла шкула çӳреймен.
