Йăлтах саспаллирен пуçланать
1-мӗш класра «Чи тӗлӗнмелле саспалли» проект конкурсӗ иртрӗ. Унӑн тӗллевӗ – вырӑс алфавитӗнчи саспаллисене пӗлнине çирӗплетесси, вырӑс чӗлхипе, литературипе интереслентересси, пултарулӑха аталантарасси.
Вулани ӑс-хакӑла, тимлӗхе аталантарать, тавралӑхпа ача хушшинчи çыхӑнӑва çирӗплетет. Анчах, шел пулин те, хальхи ачасен вулас кӑмӑл питех аталанман. Çавăнпа ку ӗçре ашшӗ-амӑшӗн пулӑшмалла. Конкурс, вӑйӑ, илемлӗ пултарулӑх урлă интереслентерме пулать.
Çавӑнпа та учительсем вӗренекенсене хӑйсен алфавитне тума сӗнеççӗ. Ачасем хӑйсен пултарулӑхне кӑтартрӗç, ашшӗ-амӑшӗсемпе пӗрле хӑйсен сӑнарӗсене шухӑшласа кӑларчӗç. Питӗ усăллă пулчӗ ку.
Ангелина Владимировна КОЗЛОВА, пуçламӑш классен вӗрентекенӗ.
Автор сăнӳкерчӗкӗ.
Следите за самым важным и интересным в Telegram-каналеТатмедиа
Нет комментариев