Сувар

Ачине мантарса хӑварнӑ

Пулса иртнин сăлтавӗсене тӗпчеççӗ

  АМĂШӖПЕ 5 УЙĂХРИ АЧИ ÇУННĂ

Çак хăрушă инкек Рыбно-Слободски районӗнчи Анатыш ялӗнче октябрӗн 11-мӗшӗнче пулнă. Пӗр килте тухнă пушарта 27-ри анне 5 уйăхри пепкипе пӗрле çунса кайнă. Вӗсем çав вăхăтра çывăрнă пулнă иккен. 49-ти амăшӗ вара картише тухнă. Хӗрарăм каласа панă тăрăх, шаплатнă сасса илтсе пӳртелле чупнă-ха, анчах самантрах ярса илнӗ вута пула кӗреймен, хăй те пиçнӗ. Пушарта çунса вилнӗ хӗрарăмăн 11-ти аслă ывăлне Турри çăлса хăварнă тейӗн, инкек вăхăтӗнче вăл килте пулман. Хальхи вăхăтра инкекӗн сăлтавӗсене тӗпчеççӗ. Пирвайхи верси – килтисем вутпа асăрхануллă пулманни.

ХАРĂСАХ ВИÇÇӖН
Кун йышши инкек Ешӗлвар районӗнчи Васильево поселокӗнче те пулнă. Кунта харăсах 3 арçын, 1971 çулхи кил хуçипе çак поселокрах пурăнакан юлташӗсем, çунса кайнă. Хальхи вăхăтра ку факт енӗпе «икӗ е ытларах çынна вӗлерни» çинчен калакан статьяпа уголовнăй ӗç пуçарнă. Пулса иртнин сăлтавӗсене тӗпчеççӗ.

АЧИНЕ МАНСА ХĂВАРНĂ
Октябрӗн 10-мӗшӗнче Çырчалли хулин пӗр картишӗнче урамра иккӗри ачана коляска-мӗнӗпех хăварнă. Ăна иртен-çӳренсем çӗрле 12-мӗш сехетре асăрханă та тӳрех полицие тата васкавлă пулăшăва шăнкăравласа пӗлтернӗ. Сивӗпе шăнма та ӗлкӗрнӗ хӗрпӗрчине больницăна илсе кайнă. Кӗçех амăшне те тупнă. 31-ти хӗрарăм çав каç пӗчӗк хӗрӗпе хăнана кайнă иккен, эрех ӗçнӗ. Киле таврăннă чух упăшкипе телефонпа калаçнă хушăра ачи «таçта кайса кӗнӗ» имӗш. Хальхи вăхăтра ачине хăрушлăхра хăварнă анне енӗпе уголовнăй ӗç пуçарнă. Сывлăхне тӗрлӗ экспертиза тусах тӗрӗслеме палăртнă.

РФ Следстви комитечӗн Тутарстанри управленийӗн материалӗсем тăрăх
Ирина КУЗЬМИНА хатӗрленӗ.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: