Акимов ӗçне Петербург хаклать

Санкт-Петербургри Тӗрлӗ нацисен çуртӗнче Раççей тава тивӗçлӗ художникӗн, Тутарстан халăх художникӗн Владимир Акимовăн картинисен куравӗ уçăлчӗ. «Чăнлăх евӗр юмах» (16+) ятлă вăл. Курава автор тӗрлӗ вăхăтра ӳкернӗ 80 ӗçне тăратнă. Нева çинчи хулара ӳнерçӗ пӗлӗвне ӳстернӗ пулсан та Акимов кунта пӗрремӗш куравне кăна йӗркелет-ха. Самар облаçӗнчи тăван ялӗ Ендурайкино ăна халӗ те ӳкерме хавхалантарать. Курав майăн 15-мӗшӗччен тăсăлӗ.