ÇУРÇӖР ПОЛЮС ЧĂВАШЛА ЮРЛАТЬ

Çурçӗр Полюс хальхи вăхăтра çав тери пысăк мероприятие хӗрсех хатӗрленет. Май уйăхӗн 18-мӗшӗнче Мурманск хулинче «Чувашское Заполярье» чăваш халăх пултарулăхӗн фестивальне ирттереççӗ. «Кун пеккине Кольск çурутравӗ хальччен курман-ха», – тет проект авторӗ Дина Агеева. Сăмах май, вăл пирӗн ентеш, Çӗпрел районӗнчи Матак хӗрӗ.
Фестивальте тӗп тимлӗх – вокал. Унта чăвашсене кăна мар, тӗрлӗ халăха явăçтарасшăн, урăхла каласан, пӗр юррах темиçе чӗлхепе юрлӗç. Çапла фестивальте чăваш-вырăс, чăваш-украин, чăваш-молдован, чăваш-узбек, чăваш-ненец тата ытти халăхсен юрисем янăрӗç.(Д. Агеева архивнчи сăнӳкерчӗк).