Валери Туркая «Литературăри тава тивӗçлӗ ӗçсемшӗн» паллăпа чысланă!

Чăваш халăх поэтне, Çеçпӗл Мишши ячӗллӗ фондăн директорне, Чăваш тата Тутарстан республикисен культурисен тава тивӗçлӗ ӗçченне Валери Туркая Раççей Писательсен союзӗ хăйӗн чи пысăк наградипе, «Литературăри тава тивӗçлӗ ӗçсемшӗн» Хисеплӗ паллăпа, чысланă. Наградăна поэта паллă вырăс çыравçи тата обществăлла деятелӗ Николай Федорович Иванов Чăваш писателӗсемпе журналисчӗсен союзӗн 100 çуллăхне халалланă мероприятире, хаваслă лару-тăрура панă. 2012 çулта Валери Туркай поэт патшалăх наградине, «Чăваш Республики умӗнчи тава тивӗçлӗ ӗçсемшӗн» медалье, тивӗçнӗччӗ. (Сăнӳкерчӗк culture.cap.ru сайтран).