Фарид Мухаметшинăн 75-çуллăхне халалланă кӗнеке кун çути курчӗ
Паян, майăн 23-мӗшӗнче Хусанти ТР Наци библиотекинче ТР Патшалăх Канашӗн Председателӗн Фарид Мухаметшинăн 75-çуллăхне халалланă «Фарид Мухаметшин. Виражи судьбы» кӗнеке хăтлавӗ иртрӗ.Мероприятие паллă телеертӳçӗ Арина Шараповăпа Г.Камал ячӗллӗ театр ӗçченӗ Рамиль Вазиев ертсе пычӗç. Концерт номерӗсем хушшинче Рустам Минниханов, Минтимер Шаймиев тата ытти паллă çынсем тухса калаçрӗç. РФ Федераллă Пухăвӗн Федераллă Канашӗн Председателӗ Валентина Матвиенко тӳрӗ эфира тухса саламларӗ. Пурне те итлемпе кăсăк пулчӗ. «Фарид Хайрулловича 1995 çултанпа пӗлетӗп. Çак хушăра эпир унпа пӗрре те вăрçăнман. Ку ăна та, мана та лайăх енчен хаклать пулӗ», – юлташла ăшшăн шӳтлерӗ Президент. Минтимер Шаймиев Фарид Мухаметшин Элметре 1-мӗш секретарь пулса ӗçлени пирки, вăл ун аталанăвӗшӗн нумай тунине асăнчӗ.
