Тутарстанӑн Ял-хуҫалӑхпа апат-ҫимӗҫ министерстви ҫӗр улмипе ытти пахча-ҫимӗҫ лаптӑкӗсене ӳстерме пулӑшӗ

Ҫакӑн ҫинчен ТР ял-хуҫалӑхпа апат-ҫимӗҫ министрӗн ҫумӗ Ришат Хабипов пӗлтернӗ.

"2022 ҫул валли эпир ҫӗр улмипе ытти пахча-ҫимӗҫ лаптӑкӗсене агрофирмӑсемпе уйрӑм хуҫалӑхӗсен пахчисенче ӳстерес тесе хушма мерӑсем йышӑнтӑмӑр. 

Хӑй вӑхӑтӗнче ялта пурӑнакансем чылайӑшӗ ҫӗр улми анисене чакарчӗҫ", - тенӗ Хабипов.

Вӑл аса илтернӗ тӑрӑх, Тутарстанра пӗчӗк хуҫалӑх формисене аталантарассине ӗлӗкрен пысӑк тимлӗх уйӑраҫҫӗ. Уйрӑм кил-ҫурт хуҫалӑхӗсене тӗрев пама республика бюджетӗнчен ҫулсерен 500 млн тенкӗ уйӑраҫҫӗ, ҫав шутра ӗне усракансем валли - 350 миллион.