115 çул каялла çак кӗнеке çӗр ӗçӗпе ӗçлекенсене пысăк пулăшу панă
115 çул каялла Чӗмпӗр хулинче (хальхи Ульяновск) «Çӗр ӗçӗ çинчен = О земледелии на чувашском языке» (Симбирск: Типография А. и М. Дмитриевых, 1909) кӗнеке кун çути курнă. Кӗнеке 48 страницăран тăрать. Шел, мӗн чухлӗ тиражпа тухнине палăртман. «Чувашская книга до 1917 года = 1917 çулчченхи чăваш кӗнеки» библиографи кăтартмăшӗнче (библиографи указателӗнче) çак кӗнеке Чăваш наци библиотекин «Кӗнеке палати» уйрăмӗнче кăна упраннине палăртнă. Апла пулсан çак кӗнеке питӗ хаклă пуянлăх тесен те йăнăш пулмӗ.
