«АТАЛАН МУЧИ» ХĂШ ШКУЛА КАЯТЬ?

Хусанти чăваш çамрăкӗсен «Аталан» ушкăнӗ республикăри чăваш ачисен хушшинче ирттернӗ «Аталан Мучи» пултарулăх конкурсне комисси декабрӗн 20-мӗшӗнче пӗтӗмлетрӗ. Ачасем темиçе номинацире тупăшрӗç. Конкурс условийӗсемпе, конкурсантсем хăйсен ӗçӗсене видео ӳкерсе ямаллаччӗ.  Ачасем конкурса хастар хутшăннине, ӗçӗсем савăнтарнине пӗлтереççӗ йӗркелӳçӗсем.  Çапла вара  жюри пӗр шухăшлă пулса I – Алешкин Саплăк ачисен «Нарспи» мюзиклӗ («Аталан» – манăн шкулта номинаци),  II –  Хурăнвар Шăхаль шкулӗн «Хӗрсем юмăç яни» йăли (Чăваш халапӗсем,  йăли-йӗркисем асра номинаци), III – Савгачево шкулӗн «Тилӗ тус» юмахӗ (Чăваш халапӗсем,  йăли-йӗркисем асра номинаци) пулнине палăртрӗ. Саламлатпăр!

Маларах шантарнă пекех, çӗнтерӳçӗ патне «Аталан» Хӗл Мучийӗ «Аталан» пикисемпе пӗрле парне пама шкула хăй килет. (А. Наумов сăнӳкерчӗкӗ).