COVID-19. Шут ӳсет

Апрелӗн 20-мӗшӗнче пӗр талăкра республикăра тата 39 çын чирлени пӗлтерчӗ ТР Президенчӗн пресс-секретарӗ Лилия Галимова. Унчченхи пекех чи нумай чирлекеннисем  Хусанта – 18, Çырчаллинче – 6, Агрызпа Теччӗ районӗнче – 2, Лайăш районӗнче – 3, Анат Кама районӗнче – 5, Елабуга, Тури Услон,  Павлă районӗсенче 1-ер. Акă ӗнтӗ темиçе кунхи статистика улшăнмасть, тӗпрен илсен 30-50 çултисене чир ерет.  Паян палăрнă 39 çынран 18-шӗ шăпах çак çулсенчисем. Иккӗмӗш вырăнта 60-70 çултисем, пӗтӗмпе 9 çын чирленӗ. Коронавирусран хăвăр хăрамастăр пулсан, юнашаррисем çинчен шухăшлăр.  Чир сывлăхӗ çирӗпех мар çынсемшӗн уйрăмах хăрушă.

Раççейре пӗр талăкра тепӗр 4268 çынра коронавирус тупнă. Апрелӗн 20-мӗшӗ тӗлне Раççейре 47121 çын чирленӗ, вӗсенчен 405-шӗ вилнӗ, 3446-шӗ сывалнă.