Хусана мӗнле автобуссене кӗртмеççӗ?

Футболпа тӗнче чемпионачӗ пынă вăхăтра Хусана мӗнпур автобуса кӗртменнине пӗлтерет ТР патшалăх автоинспекцийӗ. Тӗпрен илсен, сăмах кунта М2 тата М3 категорисенчи автобуссем (5  тата ытларах тонна йывăртараххи) çинчен пырать.

Чăн та, чару РФ ШӖМӗн вырăнти органӗсем ирӗк панисене, муниципаллă районсем хушшинче çынсене ялан турттаракан тата «ЭРА-ГЛОНАСС» система вырнаçтарнă автобуссене пырса тивмест. Анчах вӗсем те Хусана кӗресси пирки Тӗнче чемпионачӗн транспорт дирекцине маларах пӗлтерсе хумалла.

 Автобуссене  Хусана чемпионат вăхăтӗнче виçӗ çулпа – Мамадыш, Оренбург тракчӗсем тата Горьковски шоссе – кăна кӗртеççӗ.