Петр Мускатинов Санкт-Петербургри турнирта алă вăйӗ виçнине тӳрӗ эфирта кăтартаççӗ

Петр Мускатинов чăнах та тӗлӗнмелле çын. Шăпи синкерлӗ пулсан та (10-ра чухне çурăм шăммине амантнă хыççăн утаймасть) телейлӗ çын: çемьеллӗ, ача-пăчаллă, килти ӗçӗсене те çынна шанмасть, хăйех тăвать. Тулли пурнăçпа пурăнма ăна спорт пулăшать. Вăл — армрестлингпа спорт мастерӗ, Тутарстан сборнăйӗнче тăрать, йӗлтӗр ăмăртăвӗсене те хутшăнать.

Тӗлӗнмелле пулин те, ăмăртусене ялтах хатӗрленет Аслă Аксу ялӗн чăвашӗ, пӗр кунӗ те тренировкăсăр иртмест унăн. Ниме пăхмасăр хуçăлмалла маррине Петр хăй тӗслӗхӗпе кăтартать.

 Ентешӗмӗр çитес кунсенче каллех пысăк ăмăртăва хутшăнать, хальхинче Санкт-Петербургра Дагестан спортсменӗпе вăй виçет. Ăмăртăва тӳрӗ эфирпа курма май пур. Ентеше ăмăртура çӗнтермешкӗн ăнăçу сунатпăр. (Сăнӳкерчӗк П.Мускатиновăн «ВКонтактери» страницинчен).