Сувар

Сабантуя курма телевизорпа тата интернетра кăна май пулӗ

Трансляци ирхине 8.00 сехетрен пуçланать те каçхине 20.00 сехетчен пырать

Республикăри Сабантуй июлӗн 4-мӗшӗнче онлайн-форматпа иртет. ТР Президенчӗ Рустам Минниханов ун пирки постановление алă пусса çирӗплетнӗ. «Пандеми пӗтсе пырать пулин те ун хăрушлăхӗ çынсемшӗн пысăк. Ялсенче ытларах ватă çынсем пурăнаççӗ. Уява хуларан килекенсем пуçтарăнни вӗсемшӗн хăрушлăх кăларса тăратать. Çавăнпа Сабантуя онлайн куçарма шутларăмăр. Халăх праçникне пӗтӗм тӗнче курма пултарать», – тенӗ журналистсене ТР Премьер-министрӗн çумӗ Василь Шайхразиев. Сабантуя ТНВ телеканалта курма, «Болгар» радиопа итлеме пулать. Йӗркелӳ комитечӗ пӗлтернӗ тăрăх, Сабантуйăн мӗнпур йăлисене программăна кӗртнӗ. Концертсемпе кӗрешӳсӗр пуçне лашапа чупса ăмăртасси те пулать, ял ӗçченӗсене те чыслаççӗ. Трансляци ирхине 8.00 сехетрен пуçланать те каçхине 20.00 сехетчен пырать. Онлайн-Сабантуя  театр артисчӗсем, юрăçсемпе искусствăсен маçтăрӗсем хутшăнаççӗ. Куракансемпе интерактив йӗркелеме шутланă. Кăмăл пуррисем студипе çыхăнса тӳрӗ эфира тухма пултараççӗ. Июлӗн 10-мӗшӗнче вара пӗтӗм тӗнчери Сабантуй пулать.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: