Сувар

Тӗнче чемпионачӗ пуçланать, юлташсем!

Футболпа тӗнче чемпионачӗ Раççейре кăна мар, Хӗвел тухăç Европăра пуçласа пӗрремӗш хут иртет.

Паян историе кӗрсе юлмалли кун, 21-мӗш хут иртекен тӗнче чемпионачӗ пуçланать. Тинех çитет кӗтнӗ самант. Футболпа тӗнче чемпионачӗ Раççейре кăна мар, Хӗвел тухăç Европăра пӗрремӗш хут иртет. Паянтан, июнӗн 14-мӗшӗнчен, пуçласа июлӗн 15-мӗшӗччен чăн-чăн спорт уявӗн атмосферипе киленӗпӗр. Чемпионата паян Мускавра торжествăлла лару-тăрура уçаççӗ. Çак церемоние пӗтӗм тӗнче курӗ. Аса илтеретпӗр, матчсем Раççейӗн 11 хулинче иртеççӗ. Çав шутра Хусанта та. Австрали, Япони футбол командисем пирӗн хулана вӗçсе килчӗç те ӗнтӗ. Туристсем те сахалăн мар. Сăмах май, болельщиксем Раççее 58 çӗршывран килеççӗ. Хусанта пӗрремӗш матч июнӗн 16-мӗшӗнче иртет. Унта Австрали команди Франципе вылять.

Паян вара Хусанта та çав тери пысăк мероприяти. Кунта «Хусан» Çемье центрӗ умӗнче болельщиксен фестивалӗ уçăлать. Пурне те килсе курма чӗнетпӗр. (Н.Александров сăнӳкерчӗкӗ).

Нравится
Поделиться:
Реклама
Комментарии (0)
Осталось символов: