Хаклăран та хаклă çыннăмăра сумлă юбилейпе чӗререн саламлатпăр

Юратнă анне, асанне, мăн асанне – Çӗнӗ Шуçăм районӗнчи Чăваш Шупашкар ялӗнче пурăнакан Ольга Ильдиряковна МОЛЯКОВА ноябрь уйăхӗн пуçламăшӗнче 90 çул тултарчӗ. Хаклăран та хаклă çыннăмăра сумлă юбилейпе чӗререн саламлатпăр! Хурçă пек çирӗп сывлăх, иксӗлми вăй-хал, канăçлăх, тулли телей, тата та нумай-нумай çул чирлемесӗр савăнса пурăнма вăрăм ӗмӗр сунатпăр. Утас çулу такăр пултăр, пурнăçри кашни самант савăнăçпа тултăр, сӗтелӳ çăкăр-тăвартан, кӗрекӳ çывăх çыннусенчен ан татăлтăр. Мӗн шухăшлани пурнăçлансах пытăр.

Вăрăм ӗмӗрлӗ пул эс, аннеçӗм, 

Ыррине ан шеллетӗр Турри. 

Сывлăх пултăр çулсем иртнӗçемӗн,

Кӳрет савăнăç эсӗ пурри!

Ан чирле, ан ватăл нихăçан,

Пул хаваслă, кăмăллă ялан. 

Ăшшуна паратăн-çке чунтан,

Эсӗ хаклă пире ылтăнран.

Ывăлӗ Сергей, кинӗ Наталья, мăнукӗсем Светланăпа Антон, вӗсен мăшăрӗсем Николайпа Кристина, кӗçӗн мăнукӗсем Настя, Ваня, Кирилл тата Саша.