News by date 8 March 2024
-
Нина Царыгинан кашни калавӗ ахах-мерчен
Кӗнеке пичетленсе тухни авторшăн кăна мар, вулаканшăн та пысăк савăнăç. Çамрăк çыравçăн кăларăмӗ кун çути курни вара — пушшех те. Эппин, чăваш литератури аталанать-ха, сумлă писательсен ӗçне малалла тăсакансем пур. Çак кунсенче Чăваш наци библиотекинче «Варкăш» литература клубӗн тӗлпулăвӗнче шăпах çамрăк çыравçăн Нина Царыгинан кӗнекин хăтлавӗ иртрӗ. «Çил-тăманлă ӗмӗт» ятлăскер Чăваш кӗнеке издательствинче пӗлтӗр пичетленсе тухнăччӗ.
-
Муниципаллă службăра 20 çула яхăн тăрăшакан Ольга Макарова ял-йыша яланах пулăшма хатӗр
Ольга Макарова Çӗнӗ Йӗлмел ялӗнче интеллигентсен çемйинче çуралнă: ашшӗ профессиллӗ строитель, амăшӗ зоотехник пулнă. Туслă çемьере икӗ хӗр ӳснӗ вӗсем. Шкул пӗтерсен Ольга куçăн мар майпа И. Н. Ульянов ячӗллӗ Чăваш патшалăх университетӗнче филолога вӗреннӗ. Ӗç çулне 1999 çулта тăван ялта пуçланă — Çӗпрел райповӗн лавккинче сутуçăра ӗçлеме тытăннă. 2000 — 2005 çулсенче Çӗнӗ Йӗлмел вырăнти хăйтытăмлăх Канашӗнче счетовод-кассирта тăрăшнă.
-
Наталья Клементьева – «Хӗрарăм – анне» номинаци çӗнтерӳçи!
Иртнӗ вырсарникун Хусанта йăлана кӗнӗ «Женщина года. Мужчина года: женский взгляд» республика конкурсне пӗтӗмлетрӗç. Çак конкурсра çӗнтерекенсене кашни çулах Пӗтӗм тӗнчери хӗрарăмсен кунӗ умӗн чыслаççӗ, кăçал та çаплах пулчӗ. Республика ăмăртăвӗнче палăрнисене ТР Патшалăх Канашӗн Председателӗн çумӗ Марат Ахметов, Тутарстан Республикин вице-премьерӗ Лейла Фазлеева саламларӗç.
-
Тутарстан Республикин Раисӗ Рустам Минниханов Пӗтӗм тӗнчери хӗрарăмсен кунӗ ячӗпе саламлани
Рустам Минниханов республикăра пурăнакан кашни хӗрачана, пикене тата хӗрарăма çуркуннехи чи çепӗç те илемлӗ уяв ячӗпе — Пӗтӗм тӗнчери хӗрарăмсен кунӗпе — саламлать.