Пурнăç вăл килте ларсан та, тӗнче курса çӳресен те иртет
Аксу районӗнчи Беловка ялӗн мухтавлă çынни Петр Николаевич Алексеев çак кунсенче 70 çул тултарать. Тӗлӗнмелле ӗçчен те вашават çемье пуçӗ вăл, тимлӗ, пултаруллă атте тата асатте, кукаçи, юратакан, шанчăклă мăшăр. Савнă арăмӗпе Людмила Владимировнăпа пӗрле никӗсленӗ услам ӗçӗнче те, килте те юнашар вӗсем. Пӗрлехи пурнăçăн анлă сукмакӗпе 48 çул çума-çумăн утаççӗ.
