News by date 14 June 2022
-
Çӗпрелӗнче Сабантуй – Акатуй. Пӗрле пулсан пуянрах!
Çӗпрелсем пултараççӗ. Июнӗн 12-13-мӗшӗсенче кунта пӗрин хыççăн тепри Сабантуйпа Акатуй иртрӗç. Халăх уявӗсем иккӗшӗ те ака ӗçӗсем вӗçленнипе çыхăннă. Юрать ку тӗле ӗçсем чăнах та вӗçленнӗ. Çанталăк йӗпе-сапаллă, сивӗ тăнипе кăçалхи ака-суха ытти çулхипе танлаштарсан вăхăтран каярах пурнăçланса пычӗ. Ял хуçалăх эксперчӗсен прогнозӗсем кăна тӗрӗсе килсе тухăçӗ ăнса пултăрччӗ ӗнтӗ. Акатуй июнӗн 13-мӗшӗнче ытти çулти пекех Çӗнӗ Упире иртрӗ. Уяв Тăван Çӗршывăн Аслă вăрçин паттăрӗсемпе ветеранӗсене халалланă палăк умне чечек хунипе пуçланчӗ. Çак хушăра Акатуй лапамӗнчен илтӗнекен чăваш юрри часрах унта çитме хавхалантарчӗ. Ăçта ан пăх – пур çӗрте те хушпу-тухьяллă, тӗрӗллӗ кӗпеллӗ хӗр-хӗрарăм утать. Пурте савăнăçлă та тулли кăмăллă. Хăнасене «Çӗпрел», «Хӗлхем» вырăнти халăх ансамблӗсем кӗтсе илчӗç. Яланхи пек Шупашкартан ЧР культурăн тава тивӗçлӗ ӗçченӗ Анатолий Музыкантов ертсе пыракан «Суварпа» Суварята» ташă ушкăнӗсем килнӗ. Вӗсен çулăмлă ташшисем Акатуя уйрăмах пуянлатрӗç.
-
Республикăри чăвашсен «Уявне» анлăрах ирттерме тăрăшаççӗ
Тутарстанăн культура министрӗ Ирада Аюпова 2022 çулта Тутарстанра хăш-пӗр халăх уявӗсен вырăнӗсем улшăнасси çинчен брифингра пӗлтернӗ.
-
Кӑтра патшан палӑкне Чӑваш Енӗн кӑнтӑр чиккинче уҫнӑ
Ҫӗртме уйӑхӗн 12-мӗшӗнче Шӑмӑршӑ районӗн кӑнтӑр чиккинче Атӑлҫи Пӑлхар патшалӑхне никӗслекен Кӑтра патшана халалланӑ палӑк лартнӑ. Унӑн авторӗ - Николай Кондрашкин скульптор
-
Шупашкарта Раççейӗн тӗрленӗ карттине кăтартнă
Раççейӗн мӗн пур регионне пӗрлештерекен проект тӗрӗ ăсталăхӗ витӗр çӗршывăн халăхӗсен тарăн çыхăнăвне тата тӗлӗнмелле йăлисене кăтартать. Картăн çӳллӗшӗ 3 метр, сарлакăшӗ 6,7 метр. Федераци субъекчӗсен тӗррисем вӗсен географилле чиккисемпе тӳр килеççӗ. Тӗрленӗ карттăн йывăрăшӗ 50 килограмм.
-
Тутарстанри коллектив пӗтӗм Раççейри «Битва хоров» конкурсра çӗнтернӗ
Курск, Питӗр тата Тутарстан пултарулăх ушкăнӗсем «Битва хоров» конкурсра çӗнтернӗ. Финал Раççей Кунӗнче Мускаври Хӗрлӗ лапамра иртнӗ. Аслисен академи коллективӗсен хушшинче Тутарстанăн Патшалăх камерлă хорӗ чи лайăххи пулса тăнă.
-
Укçа çителӗксӗрри кăмăлăра хуçать, алла çыхать
Эрнелӗх гороскоп 13.06 – 19.06
-
Ӳсӗр водитель тӑванӗсем ГИБДД ӗҫченӗсем ҫине тапӑннӑ
Камскоустьински районӗнчи пӗр ялта йӗрке хуралҫисен аллине лекнӗ ӳсӗр хӗрарӑмӑн тӑванӗсем полицейскисене хӗненӗ тата вӗсен машинине ватнӑ