News by date 15 August 2022
-
Тутарстанри çамрăксен клубӗсем 22 миллион тенкӗлӗх грантсем илнӗ
Хусанта республикăри çамрăксен политикине пурнăçа кӗртекен учрежденисен хушшинчи грант конкурсне пӗтӗмлетнӗ. 21 муниципалитет пурӗ 22 миллион тенкӗлӗх грант çӗнсе илнӗ. Çак укçасене муниципаллă çамрăксен центрӗсен тата çул çитмен ачасен клубӗсен çирӗм сакăр проектне пурнăçа кӗртме яраççӗ.
-
«Ылтăн вӗлле хурчӗ» конкурсра 45 ача хутшăнчӗ
Элкел районӗнче пӗрремӗш хут иртнӗ «Пыл Сăпасӗ» фестивальте утарçăсем хушшинчи ăмăртусем, пыл дегустацийӗ, вӗлле усраканӗсен куравӗсем пулса иртрӗç. Ача-пăчасем хушшинче ирттернӗ «Ылтăн вӗлле хурчӗ» конкурс вара хăйӗн хутшăнаканӗсен шучӗпе рекорд турӗ. Унта малтан 25 ача кăна заявка панă пулнă, фестиваль кунӗ хутшăнакансен шучӗ хӗрӗх пиллӗке çитнӗ.
-
Иван Казанкова ТАССР 100 çул çитнине халалланă медальпе чысларӗç
Сиктӗрмере иртнӗ Пыл Сăпасӗн хисеплӗ хăнисен хушшинче Элкел районӗн пуçлăхӗ Александр Никошин, «Звениговский» ял-хуçалăх предприятийӗн ертӳçи Иван Казанков, ТР ЧНКА Канашӗн Председателӗн çумӗ Константин Малышев, Элкел районӗнчи ЧНКЦ председателӗ Евгений Чугунов, ЧНК-ри «Чăваш ялӗ» комитетăн ертӳçи Эдуард Бахмисов, Элмет районӗнчи ЧНКЦ председателӗ Инна Лисина, тӗпчевçӗ Владимир Алмантай тата ыттисем пулчӗç.
-
Уяв лапамӗнче тепӗр уяв иртрӗ
Кашни кун пӗр кашăк пыл çимелли пилӗк сăлтав: Пыл хырăм-вара лайăх ӗçлеттерет, Пыл кăмăл-туйăма çӗклет, Пыл шăнса пăсăласран сыхлать, Пылра çан-çурăма хӳтӗлекен антиоксидантсем пур, Пыл ватлăхпа кӗрешет.