News by date 9 August 2022

09 августа 2022
«Сувар» хаçатăн тӗп парни хальхинче аксусене лекрӗ

Паян «Сувар» хаçата 2022 çулăн 2-мӗш çур çулне çырăннисен хушшинче ирттернӗ акцие пӗтӗмлетрӗмӗр.
09 августа 2022
Машинасем тырра йӗтеме турттарса ӗлкӗреймеççӗ

Вырма вăхăчӗ çитнӗ. Аграрисем хӗрсе кайса хирсенче ӗçлеççӗ. Типӗ çанталăкăн кашни минучӗ хаклă. Ӳстерсе çитӗнтернине йăлтах вăхăтлă пуçтарса пӗтерес килет. Пăва районӗнчи «Заря» тулли мар яваплăхлă пӗрлешӗвӗн «Гигант» уйрăмӗнче кӗрхи тулла вырма тытăннă. Комбайсем хирте тинӗсри карапсем пекех, мăнаçлăн ишеççӗ. Бункерӗсене те хăвăрт тултараççӗ. «Универсиада» сортăн улăмӗ нумайрах, вăтам тухăç – гектартан 40 центнера яхăн. Машинасем тырра йӗтеме турттарса ӗлкӗреймеççӗ.
09 августа 2022
Лейла Фазлеева Тутарстанри лагерьсенче канакан ЛНР тата ДНР ачисемпе тӗлпулнă

Çак тӗллевпе ТР Вице-премьерӗ Лейла Фазлеева тата ТР çамрăксен ӗçӗсен министрӗн çумӗ Ринат Садыков Çӳльту районӗнчи «Чайка» тата «Байтик», Ешӗлвар районӗнчи «Мирас –Наследие» ача-пăча лагерӗсене çитсе курнă.
09 августа 2022
Хаçата çырăнакансем хушшинче парнесем вылянтартăмăр

«Сувар» хаçат редакцийӗ хăйӗн шанчăклă вулаканӗсене савăнтарма манмасть. Хаçата 2022 çулхи 2-мӗш çур çул валли çырăнса квитанцине редакцине ярса панă çынсен хаклă парнесене выляса илме май пур.
09 августа 2022
Калăн, самолетсене пӗр-пӗрин патне çыхса хунă

Канмалли кунсенче Хусанта питӗ чаплă «Эпӗ тӳпене суйлатăп» авиашоу иртрӗ. Хула тăрринчен вăтăр самолет тата вертолетсем вӗçсе иртрӗç. Казанка çыранӗн хӗрринчен çак асамлă вӗçеве сăнаса тăма чух кăначчӗ.
09 августа 2022
Андриян Николаев Карл Марксран вăйлăрах пулчӗ

Чăваш Республикин Вăрмар районӗнчи Пысăк Енкасси ялӗнче интернационалист-салтака Виктор Гаврилова халалласа йăлана кӗнӗ мини-футбол турнирӗ иртрӗ. Ăна пуçарса яраканӗ – вырăнти Культура çурчӗн директорӗ Николай Гаврилов пулнă. Çулталăкран Виктор Гавриловăн тетӗшӗсем Валерианпа Владислав хутшăннă турнира хатӗрленес ӗçе. Вӗсем Кубок туяннă, пилӗк команда валли спорт формисем çӗлеттернӗ, судьясем валли те. Çулсерен малти вырăсем йышăннă командăсене дипломсем, медальсем, хаклă парнесем панă. Çак йăла ӗнтӗ 15 çул тăсăлать.
09 августа 2022
Александр Денисович ЧЕРНОВА 55 çул тултарнӑ ятпа!

Тӗнчери чи хаклӑ та юратнӑ çыннӑмӑра, Аксу районӗнчи Кивӗ Ӳсел ялӗнче пурӑнакан Александр Денисович ЧЕРНОВА августӑн 9-мӗшӗнче 55 çул тултарнӑ ятпа чун-чӗререн саламлатпăр!