News by date 10 December 2022

10 декабря 2022
Чăвашкассинче купăсçăсен фестивалӗ иртрӗ

Ульяновск облаçӗнчи Чăнлă районӗн хисеплӗ гражданинне, ăста купăсçа Родион Петрович Кириллова (1958–2014) халалланă фестиваль шучӗпе 7-мӗш пулчӗ.
10 декабря 2022
Хусанти Башир Рамеев ячӗллӗ IT-паркра Цифровизаци çулталăкне пӗтӗмлетрӗç

Ноябрӗн 30-мӗшӗнче Хусанти Башир Рамеев ячӗллӗ IT-паркра Цифровизаци çулталăкне халалланă, 2022 çулта тума палăртнă мероприятисене пурнăçланине пӗтӗмлетсе ведомствăсен хушшинчи ӗçлӗ ушкăн лару ирттерчӗ. Кăçал кăна уçăлнă çӳллӗ технологисен паркӗнче РФ Патшалăх Думин депутачӗсем Айрат Фаррахов, Айдар Метшин, Руслан Гаджиев тата ТР патшалăх управленийӗнчи цифра аталанăвӗн, информаци технологийӗсемпе çыхăну министрӗ Айрат Хайруллин пулчӗç. Журналистсем те хутшăнчӗç ларăва.
10 декабря 2022
Паян Чăваш наци конгресӗн юбилей

30 çул каялла – 1992 çулхи октябрӗн 8-9-мӗшӗсенче – Чăваш наци конгресӗ йӗркеленсе кайнă. Вăл чăваш тӗнчишӗн питӗ те пӗлтерӗшлӗ пулăм шутланать. Чӑваш Республикин Аслӑ Канашӗн йышӑнӑвӗпе килӗшӳллӗн Шупашкарта иртнӗ Пӗрремӗш Аслă Пухура чăвашлăхшăн çунакан активистсем наци конгресне туса хураççӗ. Аслă Пуху ЧНКан право статусне тата унӑн идеологине палӑртакан докуменчӗсене йышӑннă, Мăн Канаш тата çӗнӗ организацин президентне суйланă. Атнер Петрович Хусанкайăн ячӗпе пуçланать наци пӗрлешӗвӗн историйӗ. Вăл 1992 – 1997 çулсенче регионсен хушшинчи общество пӗрлешӗвӗн ӗçне йӗркелесе пынă. ЧНК иккӗмӗш президенчӗ Геннадий Николаевич Архипов 1997 – 2013 çулсенче ӗçленӗ. Виççӗмӗш президенчӗ Николай Федорович Угаслов конгресс ӗçӗсене сакăр çул ытла пурнăçласа пычӗ. 2021 çулхи октябрӗн 23-мӗшӗнче Чӑваш наци конгресӗн ХI отчетпа суйлавăн Аслă Пухăвӗ иртрӗ. Çак пухура ЧНК президенчӗ пулма пӗр саслăн пулса Валерий Леонидович Клементьева суйларӗç.