Кашни пьеса сцена валли юрăхлă мар
Драматургӗсем пур, хайлавӗсене театра тăтăшах çитереççӗ пулин те, чылай чухне вӗсене сцена çине кăларма йывăррине асăнчӗ Наталия Сергеева режиссер, К.В.Иванов ячӗллӗ Чăваш патшалăх академи драма театрӗн артисчӗ. Сцена çинче яланах пӗр-пӗр ӗç пулса иртмелле, унта шухăшлав, асаилӳсем валли вырăн çук. Чăваш театрӗн тепӗр йывăрлăхӗ – ялта ӳсекен ачасем чăвашла ăнланманни, çавăнпа труппа ялсене спектакльпе кайсан куçарăвне те пӗрле илмелле.Анчах сăвăлла вырăсла куçаракансене тупма çăмăлах марри пирки пăшăрханса каларӗ вăл.
