Налог тата налогпа çыхăнман тупăш енӗпе Тутарстан Раççейре тăватăмӗш вырăнта
Республикăн пӗрлехи бюджетне укçа кăçал, тӗпрен илсен, ахаль çынсен тупăшӗнчен, организацисен тупăшӗпе пурлăхӗнчен пурӗ 69,2 миллиард тенкӗ кӗнӗ. Ку вăл налог тата налугпа çыхăнман укçа. Вӗсенчен 58,6 миллиард тенкине республика бюджетне, 10,6-шне вырăнти бюджетсене янă. Кун çинчен ТР финанс министрӗн çумӗ Алла Анфимова мартăн 26-мӗшӗнче «Татар-информ» агентствăра журналистсемпе тӗл пулсан каласа пачӗ.
