Мускавра пулас аннесен Пӗтӗм Раççей форумӗ иртет

Форум Мускаври аслă шкулсен площадкинче «Любовь под сердцем» девизпа иртет. Ача кӗтекен хӗрарăмсемпе мӗнле ӗçленине кăтартнинчен тăрӗ вăл. Пулас аннесене çӗршывра мӗнле пулăшусем панин презентацийӗ пулӗ. Мероприятин пӗтӗмлетӗвӗсем тăрăх каярах йывăрлă хӗрарăмсем валли йӗркелесе ирттерекен чи лайăх ӗçсемпе пуçарусен реестрне йӗркелеççӗ.

Форумăн тӗллевӗ — Раççейре йывăрлă хӗрарăмсене, аннелӗхпе ача çураласлăха тӗрев памалли мерăсене сарасси. Ача кӗтекен хӗрарăмсене тӗрев парассинче власть, коммерцилле мар организацисен, бизнесăн, конфессисен ӗçӗсене пӗрлештерсе вăйлатасси, ача кӗтекен хӗрарăмсен статусӗпе сумне ӳстересси, вӗсене упрама вӗрентесси.

 Форума йывăрлă хӗрарăмсемпе ӗçлекен специалистсем: тухтăрсем, акушер-гинекологсем, аннелӗх темипе ӗçлекен социаллă структурăсен представителӗсем, наукăпа эксперт сообществи, федераллă тата регионти власть представителӗсем хутшăнаççӗ.