Аксу волонтерӗсем: «Пирĕншĕн ют салтаксем çук»
Ятарлă çар операцийӗнчи ентешсене пулăшас тӗлӗшпе кашни районтах волонтерсен ушкăнӗсем хастар ӗçлеççӗ. Анчах та хам çав районтан пулнăран-ши е чăнах та кун пек туслă, хастар, салтаксене пулăшассишӗн тем тума та хатӗр Аксу районӗнчи волонтерсен ырă ӗçӗсем пирки час-часрах та илтме тивет. Районти «Ял пурнăçӗ» хаçатра та вӗсем пирки çырсах тăраççӗ.
