Ефим салтакăн историйӗ
Аслă вăрçăра Çар структури мӗнле улшăнса тăнине пӗр рядовойăн, Ефим Никитович Соколовăн, историйӗ урлă паллаштарас шутпах статьяна хаçатра пичетлеме шутларăмăр, тен, кама та пулсан кирлӗ пулӗ. Хыпарсăр çухалнă салтаксене архив докуменчӗсем тăрăх шыракан Анатолий Сергеевич Хохлов ӗçе Подольскри çар архивӗнчен мар, район çар комиссариатӗнчен тытăнма сӗнет.
