News by date 26 October 2025
-
Алексей Афанасьев çуралнăранпа 100 çул çитрӗ
Юпа уйăхӗн 14-мӗшӗнче Шупашкарти К.Иванов ячӗллӗ Литература музейӗнче Алексей Афанасьев çыравçă (1925 – 1985) çуралнăранпа 100 çул çитнине халалланă литературăпа музыка уявӗ иртрӗ. Мероприятие писательсемпе журналистсем, юрăçсем, Алексей Андрияновичăн тăванӗсем пуçтарăнчӗç. Вӗсем «Юманлăх çулçă тăкмарӗ» куравпа паллашма пултарчӗç. Кунта сăнӳкерчӗксемпе çыравçăн тӗрлӗ çулта тухнă кӗнекисене вырнаçтарнă. Вӗсене тишкернӗ май А.Афанасьев чылай поэт-прозаикпа туслă пулнине, çыхăну тытнине курса ӗненетӗн. Акă вăл Илпек Микулайӗпе тата Хасан Туфанпа ларать, тепринче – Николай Евстафьевпа юнашар. Чи кăсăклă сăнӳкерчӗксенчен пӗринче Афанасьев хушаматлă чăваш çыравçисене – Анатолий Афанасьева, Хветӗр Уяра, Куçма Чулкаçа, Егор Афанасьева, Мӗтри Кипеке, Алексей Афанасьева – асăрхатпăр.
-
Аттесем – юратнисем, хаклисем, чи лайăххисем, хӳтӗлевçӗсем...
Иртнӗ вырсарникун, октябрӗн 19-мӗшӗнче, Пӗтӗм Раççейри Атте кунне паллă турăмăр. Çак уява халалласа «Сувар» хаçат хăйӗн «ВКонтакте» социаллă сетьри ушкăнӗнче «Юратнă аттепе» фотоконкурс ирттерчӗ. Конкурс условийӗпе кам нумайрах сасă пуçтарать – çавă çӗнтерет.