News by date 27 March 2021
-
«Туган тел» мастер-классен конкурсӗнче чăваш учителӗсем маттур пулчӗç
Çӗнтерӳçӗсене палăртма çăмăл пулмарӗ. Çапах та пӗрремӗш вырăна кам йышăнасси пирки пӗр тавлашу та тухмарӗ. Жюри пайташӗсем пӗр саслăн пулса çӗнтерӳçӗ Надежда Сердцева пулнине çирӗплетрӗç. Малалла кăшт хӗрӳрех пулчӗ. Паллах, кашни наци представителӗ хăй халăхӗн çыннине хӳтӗлесе çивӗч аргументсем кăларса тăратрӗ. Мӗн тейӗн, вырăссем калашле – çири кӗпе çывăхрах. Çапла вара лауреатсен шутне тепӗр икӗ чăваш чӗлхи вӗрентекенӗ – Любовь Яргунинăпа Елизавета Павлова кӗчӗç.
-
Хăйне явап тыттарасран хăранипе машинине вăрланă тесе полицие евитленӗ
Çынсем нумай чухне ӗçсӗр аптраса закона пăсаççӗ. Аксу поселокӗн Б. гражданинӗпе те çаплах пулса тухнă. Хăйӗн юлташӗсене поселок тăрăх ярăнтарма шутланă. Нумай пулмасть кăна уçăлнă çуран çӳремелли парка, тин кăна брусчатка сарнă строительсен ӗçне тӗрӗслесе пăхас шутпа та ахăр, машинипех кӗрсе кайнă. Нимӗн интереслине те курманнипе çаврăнма хăтланнă вăхăтра çывăхри çырманах чăмнă. Машинине кăларайманнипе киле саланнă. Хăйне явап тыттарасран хăранипе машинине вăрланă тесе полицие евитленӗ.
-
Хăй чăн та ӗçленине документпа çирӗплетеймен
Суд тӗрӗслевӗ тата тăратнă документсем кăтартнă тăрăх, РФ Пенси фончӗн Тутарстанри управленийӗн Нурлатри уйрăмӗ Н. гражданина ятарлă стаж çителӗксӗррине кура чăнах та 2013 çулхи декабрӗн 28-мӗшӗнче тухнă 400-мӗш номерлӗ «Страхлакан пенсисем çинчен» Федераллă законăн 30-мӗш статйин 1-мӗш пайӗн 2-мӗш пункчӗпе вăхăтсăр пенсие кăларма ирӗк паман. Мӗншӗн тесен вăл каменщиксен бригадинче е комплекслă бригадăсенчи каменщиксен ушкăнӗнче ялан ӗçленине ӗнентерекен документсем тăратман. Каменщиксен ятарлă ушкăнӗсенчен тăракан каменщик е комплекслă бригадăсем йӗркеленине ӗнентерекен приказсем те, ытти документаци те, ӗç паракансенчен ӗç характерне çирӗплетекен справка та пулман унăн.