News by tag - кулăш

• 17 января 2025

  Кăштах кулăш

  Пӗчӗк Петюк амăшӗнчен ыйтать: – Анне, пире Турă тăрантарать теççӗ, чăнах та çапла-и? – Çапла. – Ачасене аист илсе килет тени те тӗрӗс-и? – Тӗрӗс. – Парнесене Хӗл Мучи кӳрсе парать-и? – Çапла. – Вара аттене мӗн тесе тытса тăратпăр эпир?..

  
• 30 октября 2022

  КĂШТАХ КУЛĂШ

  Пӗррехинче, кӗрхи сӗм тӗттӗм каç, Чăнкă Мирун урампа килне таврăнать. Ун умӗнче çамрăк хӗр утса пырать. Хӗр каялла çаврăнса пăхать те уттине хăвăртлатать. Мирун та ăна курса хăвăртрах утма пуçлать. Сасартăк хӗр чупмах тытăнать. Мирун та унран юлмасть. Пике çухăрса ярать. Мирун та кăшкăрать... Арçын хăй те ăнланмасть – камран тарчӗç вӗсем, анчах та питӗ хăрушăччӗ!

• 23 августа 2020

  Иккӗмӗш хут сан серепӳне çакланмастăпах! Кăштах кулăш

  Вӗçкӗн Ваççа çитӗннӗ ывăлӗ патне шăнкăравлать: – Итле-ха, ывăлăм, кил пирӗн пата дачăна. – Çук! – Кунта тутлă ӗçме-çиме, шашлык, хитре хӗрсем... – Атте, иккӗмӗш хут сан ултавун серепине лекместӗпех. Хăвăр çӗрулмийӗре хăвăрах кăларăр атя!..