Станислав Толстов 60 çул тултарчӗ
Чăваш тӗнчинче Станислав Толстов композитор, дирижер, концертмейстер, музыкант, педагог ятне илтмен çын та çук пуль. Ăна Раççейӗн тӗрлӗ кӗтесӗнче пӗлеççӗ. Вăл 30 çул ытла ӗнтӗ Чӗмпӗр çӗрӗ çинче пурăнать, хальхи вăхăтра Ульяновскри «Руслан» Культура керменӗнче «Эревет» ятлă халăх коллективне, чăваш вокал ансамбльне ертсе пырать. Çаплах вăл 200 ытла юрă çырнă, вӗсем халăхра анлă сарăлнă. Вӗсене паллă юрăçсем сцена çинчен юрлаççӗ, телевиденипе тата радиопа тăтăшах янăраççӗ.
